Tjetër urgjencë me helikopter në Qarkun e Dibrës

Pas helikopterit të ministrisë së Shëndetësisë është dikasteri i Mbrojtjes që dërgon sonte në mbrëmje një helikopter në Peshkopi, për të ardhur në ndihmë një nënë e re, e cili lindi foshnjën e saj një ditë më parë në spitalin rajonal të qytetit. Ajo është transportuar me helikopter të Forcave Ajrore në drejtim të Tiranës, megjithëse kushtet atmosferike nuk ishin normale. 25 vjeçarja, Trëndafile Demiri ka lindur foshnjën e saj mbrëmjen e të enjtes, ndërsa më pas ka shfaqur komplikacione në zemër dhe u kërkua ndërhyrja nga ajri për transportimin me urgjencë drejt Tiranës. Nëna e re u dërgua në spitalin “Nënë Tereza” nga efektivet e helikopterit EC-145 të Forcës Ajrore. Mësohet se rruga nacionale Peshkopi-Bulqizë-Burrel-Milot kalohet, por në disa segmente ka akull, ndaj dy urgjenca nga ky rajon janë transportuar me helikopter.