Një operacion antidrogë është zhvilluar në Tiranë dhe disa qytete të Shqipërisë me urdhër të Prokurorisë së Posaçme, ku është goditur një grup kriminal që dyshohet se kryente trafik ndërkombëtar të kokainës.
Me vendim të GJKKO-së, në kuadër të këtij operacioni u lëshuan 11 masa sigurie, mes tyre edhe për një emër të njohur si Jetmir Pepa allias Marashi. Jetmir Pepa është një emër i njohur për blutë, pasi në janar 2025 u shpall në kërkim pasi qëlloi me armë në një koncert festiv të organizuar ‘Cinco Cavalli’ në Parkun Olimpik të Tiranës. Masat janë lëshuar me kërkesë të prokurorit Alfred Shehu, por deri më tani janë arrestuar vetëm 3 anëtarë të grupit, Lulzim Pepaj, Florian Marku dhe Anton Kola.
Në kuadër të këtij operacioni, SPAK ka sekuestruar 12 milionë euro pasuri të ndryshme që dyshohet se u përkisnin anëtarëve të këtij grupi kriminal. Sipas SPAK, ky grup kriminal ka trafikuar në 8 episode të ndryshme rreth 7.5 ton kokainë nga Amerika Latine në Europë.
Pasuritë e sekuestruara:
“Pepa Group SHPK”, Tiranë
33.3% e aksioneve të “HEC ARSTI” në Fierzë (vlera e aksioneve që I përket Pepa Group)
B.I.V. SHPK, 50 %, e aksioneve që i përkasin Pepa Group)
50% e aksioneve të “Shëngjini 2013” shpk (vlera e aksioneve që I përket Pepa Group)
“Oxford Hotel”, në Tiranë
“Maison Nuve Aesthetics” në Tiranë
“E.DK.AL” shpk, me seli në Ishull-Shëngjin, me emrin tregtar Soluna
60 pasuri të paluajtshme të llojeve tokë arë, tokë truall, hotel, poste parkimi dhe apartamente, me vendndodhje në Tiranë, Kamëz, Lezhë, Shëngjin, Sarandë dhe Himarë.
89 automjete të markave dhe llojeve të ndryshme (automjete teknologjike për ndërtim, transport mallrash apo autovetura).
72 llogari bankare që u përkasin personave të ndryshëm juridikë apo fizikë, si dhe shtetasve nën hetim, apo personave të lidhur me ta.
EMRAT E TË ARRESTUARVE
Lulzim Pepaj
Florian Marku
Anton Kola