“Më falni vëlla nuk ia dola”, këto kanë qenë fjalët e fundit të 29-vjeçarit Michalis Katsouris, tifozit të AEK-ut që u plagos për vdekje me thikë nga disa tifozë kroatë, para ndeshjes AEK-Dinamo. Miku i 29-vjeçarit, ka rrëfyer momentet e fundit të tij dhe skenën pas trazirave të përgjakshme mes tifozëve.
Ndonëse ende i tronditur për humbjen e mikut të tij, i riu tregon se e vetmja gjë që dëgjoi nga 29-vjeçari ishte ‘vëlla u godita’. “E vetmja gjë që dëgjova ishte një zë që thoshte: ‘Vëlla më kanë goditur dhe unë kthehesha për të parë kush ishte dhe çfarë ndodhi”, rrëfeu Kristos, shoku i 29-vjeçarit.
Miku i tifozit të AEK-ut në momentet e para pas goditjes me thikë. “Kishte gjakderdhje pa pushim dhe gjatë gjithë rrugës që po shkonim drejt spitalit”, u shpreh Kristos, i cili tregon se fillimisht u nis me motor për të kërkuar një ambulancë, pasi rrugët ishin bllokuar dhe ambulanca nuk po arrinte për të marrë 29-vjeçarin.
“Ambulanca nuk kishte askund, telefonuam por nuk erdhi në kohë.Nga sa mësuam policia kishte bllokuar ambulancat dhe zjarrfikëset për 20 minuta dhe nuk i la të kalonin derisa të qetësohej situata. U largova vetëm për të marrë ambulancën nga kryqëzimi i Decelisë, të cilën e gjeta rastësisht. Unë iu luta infermierrëve, u thash se njerëzit po vdesin dhe ne po humb shokun tim dhe kështu erdhi ambulanca”, tregon i riu. Me zërin që i dridhet, Kristo rrëfen fjlaët e fundit të mikut të tij. “Më falni vëlla nuk ia dola. Këtë dua të them, asgjë tjetër”,-tha miku i fatkeqit Mihalis.