Që orët e para të mëngjesit të së premtes bashkëpunëtori i drejtësisë Henrik Hoxhaj nën masa të rrepta sigurie është shoqëruar në prokurorinë e posaçme kundër korrupsionit dhe krimit të organizuar. Hoxhaj është rimarrë në pyetje për të rikonfirmuar edhe njëherë deklarimet e dhëna më hërët për ngjarjet kriminale që ai ka marrë pjesë si ekzekutor ose ato për të cilat ka pasur dijeni.
PoiI njëjti burim sqaron se bashkëpunëtori i drejtësisë është pyetur edhe për disa krime të tjera për të cilat ai ka pasur dijeni. Henrik Hoxhaj do të japë shpjegime për disa rezultate të hetimit të deritanishëm. Bashkëpunëtori i drejtësisë u arrestua gjatë operacionit “Plumbi i artë” së bashku me ish-mikun e tij Nuredin Dumani në Fier.
Ky i funddit mbeti i plagosur gjatë një atentati që iu bë në Papër të Elbasanit dhe u dërgua nga Hoxhaj në banesën e marrë me qera në Fier për t’i shpëtuar prangave. Dy bashkëpunëtorët e drejtësisë kishin shkuar në Elbasan për të bërë ekzekutimin e Elton Kilës. Por Dumani u bë pre e një atentati nga i cili ka marrë një plumb që i rrezikonte jetën.
Deklarimet e Dumanit dhe Hoxhaj kanë zbardhur deri më tani 18 ngjarje të rënda kriminale dhe kanë çuar në firmosjen e urdhërarresteve për 32 persona, nga të cilët 14 vazhdojnë që të jenë në kërkim. Prangave të policisë mundën që t’i shpëtonin edhe kokat e krimit të organizuar edhe pse disa ditë më parë RENEA bëri një operacion në disa qytete për arrestimin e tyre por doli duarbosh.