Sulmi i ushtrisë ruse në qytetin ukrainas të Samit ka shkaktuar jo pak reagime ndërkombëtare. Së pari, vetë presidenti Donald Trump, nisma e të cilit për t’i dhënë fund luftës nuk po shkon në drejtimin e duhur, ka fajësuar paraardhësit e tij.
“Kjo nuk është lufta ime. Është faji i presidentëve Biden dhe Zelensky. Ata bënë diçka të tmerrshme duke lejuar që lufta të niste”, ka thënë Trump. Ndërkohë, nga kontinenti i vjetër, ministrat e Jashtëm të vendeve anëtare të BE-së janë shprehur njëzëri se me sulmet e tij, Putin po tallet me përpjekjet e Trump.
Ata e kanë cilësuar ngjarjen e së dielës në Sami një “sulm barbar”, që vë në dukje nevojën për ashpërsimin e sanksioneve ndaj Moskës. Ndërsa vetë Zerlensky ka thënë se, nëse Rusia nuk ndalet do të nisë lufta e tretë botërore.