Presidenti i SHBA-së Joe Biden ka pritur në Shtëpinë e Bardhë presidentin e zgjedhur nga amerikanët në zgjedhje Donald Trump, dhe siç shihet në videon e mëposhtme, biseda ka qenë në tone pozitive dhe shumë dashamirëse nga të dy palët. Interesimi i gazetarëve ka qenë i jashtëzakonshëm.
Një detaj është edhe zjarri që është i ndezur në oxhak, se për çfarë mesazhi, kjo do të kuptohet më vonë. Zonja e parë Jill Biden iu bashkua Presidentit Joe Biden në pritjen e Presidentit të zgjedhur Donald Trump në Shtëpinë e Bardhë, këtë të mërkurë (13 Nëntor 2024).
Ditë më parë, Jill Biden i bëri një ftesë ish-zonjës së parë Melania Trump për takimin tradicional, por Melania Trump e refuzoi atë, duke mos qenë sot përkrah Trump në Shtëpinë e Bardhë. Jill Biden i dha zotit Trump një letër urimi me shkrim dore për zonjën Trump, e cila shprehte gjithashtu gatishmërinë e ekipit të saj për të ndihmuar në tranzicionin”.