Një tifoz i ri i ekipit francez Tolouse ka bërë një foto në stadiumin e klubit, ku hyri fshehurazi, i veshur me fanellë dhe ka bërë shaka se kishte nënshkruar një kontratë. Mediat në Francë e raportuan këtë si “transferin e ri”, edhe pse Rafael Fernandes nuk është aspak futbollist, shkruan L’Equipe të martën.
Ai e postoi foton në rrjetet social për të bërë shaka me miqtë e tij, por u krijua një situatë e çuditshme. Kjo pasi, në skuadrën e të rinjve të Paris-Saint Germain luan një futbollist me të njëjtin emër, Rafael Fernandes.
Mediat në Francë e publikuan informacionin se Fernandes ishte transferuar nga PSG-ja te Tolouse.
Lojtari i PSG-së u konsiderua si lojtar i Tolouses për pesë orë, ndonëse transferimi nuk ndodhi kurrë.
Situata zgjati deri kur gazetari i L’Equipe, Loic Tanzi, ekspozoi historinë.
Më pas, mediat në Francë tërhoqën njoftimin për “transferin e Fernadesit nga PSG-ja te Tolouse”.