Zhdukja misterioze dhe me pas gjetja e saj në një bunker pa jetë, e shkencetarës amerikane Suzanne Eaton, 59 vjeçe, ngjalli shumë diskutime në mediat vendase dhe ato europiane e botërore.
Biologia amerikane u ekzekutua në Kretë nga një fermer vendas, sipas medias greke, ai është, 27-vjeçari Yiannis Paraskakis. Ky i fundit ka pranuar përpara prokurorëve se është autor i vrasjes.
Paraskakis, bir i një prifti dhe baba i dy fëmijëve, e ka goditur shkencëtaren me makinë dhe më pas e ka futur në bagazh pa ndjenja.
Më pas, ai e ka dërguar atë në një bunker nazist dhe e ka përdhunuar e më pas vrarë. Identiteti i të riut grek u zbulua, për shkak të gjurmëve të ADN-së që policia greke gjeti në vendngjarje. Ai ia kishte ngulur thonjtë amerikanes, para se ta vriste atë.
Shkencëtarja ndodhej në Kretë të Greqisë për një konferencë shkencore. Me origjinë nga Kalifornia, nënë e dy fëmijëve, ajo jetonte në Gjermani me bashkëshortin e saj britanik.