Granit Xhaka ishte njëri ndër të paktët lojtarë të Arsenalit që kishte refuzuar të vaksinohet.
Gjatë ditës së djeshme, mediat në Zvicër dhe në Angli raportuan që kosovari Granit Xhaka, i cili luan për Kombëtaren e Zvicrës, ka refuzuar ta marrë vaksinën anti-Covid.
Për këtë, Xhaka u lajmërua se është infektuar me Covid-19 dhe nuk do të luajë në ndeshjet për kualifikime në Botëror ku Zvicra luan kundër Italisë dhe më vonë kundër Irlandës Veriore.
Pas kësaj, Granit Xhaka para tri dite kishte postuar një fotografi ku kishte thënë se “është i lumtur për sfidat që e presin me Zvicrën”, por sot atij i ka ardhur një këshillë nga trajneri Jose Mourinho.
“Merre vaksinën Granit dhe je i sigurt”, ka qenë këshilla e Mourinhos për Granitin.
Kujtojmë që Graniti ishte shumë afër kalimit në Romë gjatë verës, skuadër kjo që e drejton strategu i njohur portugez.
Duket se ky kontakt gjatë verës ka bërë që Graniti dhe Mourinho të krijojnë miqësi të mirë, pavarësisht se Graniti nënshkroi kontratë të re me Arsenalin që e lë atë në këtë skuadër së paku deri në vitin 2024.