Lajmet për Dafinën e veshur si nuse duket se tashmë do të kenë një përgjigje. Ajo që ngriti më shumë dyshime ishte fshirja e të gjitha fotove të këngëtares duke lënë vetëm atë me rroba nusërie dhe vello të kuqe.
Madje u përfol dhe një rikthim i lidhjes së saj me Dj GEEK pas komentin që ky i fundit i kishte shkruar “nusja më e bukur”, por kjo është thjesht një super publicitet që Dafina me të drejtë po i bën albumit të saj më të ri, “Dafinë moj”.
Përballë këtyre reagimeve mediatike, Dafina Zeqiri ka bërë disa ditë më parë një postim në Instagram, ku me ironi iu drejtohet mediave për fejesën e martesën.
“Faleminderit për fejesën, faleminderit për martesën, caktoni datën edhe qomani ftesën”, shkruan me humor Dafina.
Megjithatë, pritjes i ka ardhur fundi dhe klipi ku Dafina shfaqet nuse sapo është publikuar dhe titullohet “Million Dollars”.
Kënga nis me Dafinën që shfaqet nuse dhe disa motive popullore dhe më pas flet se si paratë nuk ndikuan aspak në ndryshimin e karakterit të këngëtares.