Një nga konkurrentet më të njohura të Për’puthen Ana nuk është paraqitur në emisionin e djeshëm, pasi u largua papritur të premten.
Ky veprim i saj shkaktoi goxha bujë në rrjet dhe të gjithë filluan të aludojnë nëse ajo do rikthehet apo jo në emision.
Sakaq, një e papritur i ka ndodhur Instagramit të Anës këto 24 orë. Të nxitur nga kurioziteti, shumë persona kanë filluar ta ndjekin në këtë rrjet social, duke e bërë konkurrenten më të ndjekur të “Për’puthen”.
Ajo tashmë numëron 310 mijë ndjekës, duke lënë pas edhe Shqipe Hysenajn, e cila bëri bujë pas përjashtimit të saj nga emisioni dhe numëron 263 mijë ndjekës.
Kujtojmë se e gjitha filloi pas takimit të Fatjonit me Melisën, gjë që duket mos t’i ketë pëlqyer shumë Anës, e cila teksa komentonte takimin e tyre u shfaq me disa rezerva. Ajo madje tha edhe se Melisa shihet si “objek seksi” nga Fatjoni.
Ndër të tjera, ajo kishte shkruar edhe disa kritika për Fatjonin që do i lexonte live në emision, por për shkak të kohës televizive iu kërkua nga produksioni ta lexonte të hënën, pra dje.
Mirëpo, Ana nuk e ka pranuar këtë vendim, ajo u largua nga skena, por para se të dilte goditi me shuplakë Fatjonin.
Ditën e djeshme në nisje të emisionit Bora tha se Ana nuk kishte pranuar të rikthehej në “Për’puthen”, të paktën këtë episod.