Që prej datës 1 maj 2022, paga e re minimale do të shkojë në ato nivele që ka qënë vitet e kaluara, duke iu afruar ose ndoshta edhe të kalojë nivelin e 700 eurove. Bazuar në vlerësimet e Bankës së Greqisë , për çdo pikë përqindje rritje të pagës minimale, paga mesatare për punonjës rritet me 0.44 pikë përqindjeje.
Pra, sipas pjesëmarrësve të tregut, praktikisht paga mesatare do të ketë 50% të normës së rritjes së pagës minimale.
Rritja e pagave për ata punonjës që kanë paga më të larta se minimalja konsiderohet e nevojshme me qëllim që të ruhen diferencat e pagave në raport me pagën minimale. Kjo shërben për të mundësuar edhe një nxitje të produktivitetit. Po ashtu, është e këshillueshme që punëdhënësit në sektorët dinamikë të ekonomisë të paguajnë paga më të larta për të tërhequr punonjës.
Në muajin janar 2021, të dhënat tregojnë se paga mesatare me kohë të plotë u rrit në 1243 euro, nga 1,202 euro që ishte në janar 2020. Ndërkaq, edhe paga mesatare e punës me kohë të pjesshme është rritur brenda një viti nga 418 në 475 euro, ndërsa paga mesatare nga 977 ka arritur në 987 euro .
Nomalisht, mesatarja është duke u rritur për shkak të rritjes në disa sektorë të ekonomisë, pasi ka ende sektorë (pastrim, shërbime sigurie) me paga më të ulëta se paga minimale.