Akil Nerjaku u tentua të eliminohej në zonën e plazhit në Durrës. Ai njihet edhe me emrin Besnik Nerjaku. Del që shënjestra është arrestuar për armëmbajtje pa leje disa vite më parë dhe është liruar më pas nga Gjykata.
Mesditën e djeshme, kohë kur dhe ka ndodhur ngjarja, Nerjaku ka qenë duke lëvizur në afërsi të zonës së quajtur “Rrota e kuqe” në Durrës.
Ai është qëlluar me snajper nga brenda një furgoni sapo ka dalë nga mjeti i blinduar, por plumbi nuk e ka kapur. Plumbi ka përshkruar një tjetër automjet me targa të huaja që ishte i parkuar në të njëjtën zonë.