Mediat greke kanë zbardhur mesazhet mes dy shqiptarëve, anëtarë të një bande të trafikimit të lëndëve narkotike, Andon Tefi dhe Armando Lamaj, para se ata të vriteshin në një masakër të përgjakshme në Athinë më 2 qershor.
Nga shkëmbimi i zjarrit mbeti i vrarë gjithashtu edhe një tjetër shqiptar, ndërsa u plagosën 2 efektivë policie.
Tefi dhe Lamaj kishin lënë takim mbrëmjen e 2 qershorit për të zgjidhur mosmarrëveshjet që kishin lindur pas arrestimit të tyre majin e kaluar, pasi u kapën me një sasi kokainë.
“Po të kërkoj, ku je?”, ka qenë sipas informacioneve mesazhi i parë që Tefi i ka dërgoi Lamajt, pasi nuk e gjeti në servisin e tij.
“Ja ku jam, nuk po fshihem. Nuk të shoh askund”, ishte përgjigjja e 48-vjeçarit.
“Eja në mbrëmje ku thamë dhe do të të tregoj”, shkroi ndër të tjera Tefi.
“Unë do të jem aty, kujdesu që të jesh edhe ti, jo si herët e tjera kur nuk ishe askund dhe nuk u shfaqe”, u përgjigj sërish 46-vjeçari.