Granit Xhaka dhe Xherdan Shaqiri, do të udhëtojnë drejt Serbisë më 25 mars 2023, por jo për t’u përballur me përfaqësuesen vendase.
UEFA ka vendosur që ndeshja e vlefshme për eliminatoret e Euro 2024 mes Bjellorusisë dhe Zvicrës të zhvillohet të stadiumin e Novi Sadit në Serbi, për shkak të situatës së paqëndrueshme në Minsk, një vend fqinj i Rusisë dhe Ukrainës, të cilat prej thuajse një viti janë në luftë.
Shaqiri dhe Xhaka ishin titullarë dhe protagonistë pak ditë më parë në përballjen Zvicër-Serbi në Botërorin e Katar 2022 që u fitua nga Argjentina, teksa nuk munguan as përplasjet e tensioni me futbollistët serbë, ndaj në Novi Sad nuk do të jenë të mirëpritur.