Kryeministri Edi Rama është shprehur i lumtur që Ukraina mori statusin e vendit kandidat për në Bashkimin Europian, por paralajmëroi se ata nuk duhet të kenë shumë iluzione. Rama e ilustroi me Maqedoninë e Veriut që është prej 17 vitesh kandidate për anëtare në BE.
“Jemi shumë të lumtur që Ukraina mori statusin e vendit kandidat por shpresoj që ukrainasit të mos kenë shumë iluzione për atë çka morën. Morën një ilaç kundër depesionit që është mirë për moralin e për hormonet për njëfarë kohe.
Shpresoj që ukrainasit të marrin në konsideratë e të hedhin sytë nga Maqedonia e Veriut, 17 vjet kandidate dhe është mënyra më e çuditshme për të qenë kandidate sepse ti je kandidat kur flet. Kandidat për tu martuar kur flet, nuk mund të jesh kandidat për tu martuar për dikë që të thotë nuk jam gati të flas me ty”.