I pranishëm në konferencën e sotme për shtyp krahë kryeministrit Edi Rama, Ministri i Drejtësisë, Ulsi Manja deklaroi se nuk mund të rrezikohen aspiratat e shqiptarëve për drejtësi të pavarur për shkak sepse drejtësia e re heziton të kryejë funksionet kushtetuese dhe ligjore.
Mes të tjerash, Manja tha se do të vazhdojnë të ngrenë zërin dhe të kërkojnë rezultate nga reforma në drejtësi, pasi kjo e fundit duhet t’i kthejë përgjigje qytetarëve sepse ata kanë nevojë të dëgjojnë vetëm të vërtetat.
“Kushtetuta dhe ligji i ka garantuar pavarësinë, trajtimin financiar por nuk ndërhyjmë në pavarësinë e tyre. Tani është koha, jo ne, qytetarëve shqiptarëve t’i kthejnë mbrapsht me hetime të pavarura, objektive zbardhjen e së vërtetës. T’i japin përgjigje. Kjo është ajo për të cilën ne kemi ngritur zërin dhe do të vazhdojmë ta ngrenë.
Do t’i mbështesim pafundësisht por secili nga institucionet, drejtësia e pavarur punën e vet. Si thotë populli, shumë e mirë kjo reforma, por u janë rezultatet kësaj reforme? Se atë presin këta qytetarët që janë përjashta. Rezultatet e reformës“, u shpreh Manja.