Vajza e ish-deputetes së PD-së, Albina Deda, Ada, nuk i ka kursyer disa thumba për çiftin më të ri të showbizit, Gracianon dhe Argjirën.
Gjatë xhirimeve të emisionit “Best Deal” në TV Klan, ajo i është përgjigjur komentit të një prej të ftuarave, Keisli, e cila ka thënë: “Më mekin shumë, bëjnë si super VIP-a, i shikoj kudo”. Më pas Ada ka thënë: “Argjira e nisi te Topi duke rregulluar disa bluza e pastaj u bë autore e “She’s on Top” dhe prezantuese. Dilte te “E diell” në Top Channel, merrte një bluzë e priste mëngët e vishte gjasme në tre mënyra dhe kaq u bë e famshme”. Vajzat nuk e dinin që po xhiroheshin nga kamera kur i shprehën këto mendime “pa filtra”.
Në programin e ri “Best Deal”, vajza të njohura të showbizit shqiptar bëhen bashkë dhe vizitojnë vende të ndryshme të Shqipërisë për të arritur ofertën më të mirë. Ky ishte episodi i 6-të, i cili u transmetua dje.
