Këshilli i Emërimeve në Drejtësi i ka dërguar Kuvendit për miratim emrin e kandidatit Altin Binaj për vendin vakant në Gjykatën Kushtetuese.
“Këshilli i Emërimeve në Drejtësi, pas diskutimeve miratoi vendimin për pikëzimin dhe renditjen e kandidatit të lejuar për vendin vakant në Gjykatën Kushtetuese, vakancë e parakohshme, e shpallur nga Kuvendi i Shqipërisë në datën 28.08.2018 dhe rishpallur në datat 21.08.2019 dhe 24.09.2020, si edhe listën përfundimtare të renditjes së bashku me raportin përkatës”- thuhet në njoftimin e KED-së.