Kryetarja e Komitetit të Ekspertëve Mira Rakacolli në një konferencë për shtyp ka bërë me dije se do të mbeten në fuqi masat që kanë qenë sa i përket situatës së COVID. Ora policore fillon në 20:00 deri në 06:00.
Rakacolli deklaroi se ka një përmirësim të situatës por nuk jemi aty ku duhet. Ky përmirësim sipas saj tregon se masat kanë qenë efikase, por do të mbeten të njëjta deri në 2 javët e ardhshme kur do të gjykohen sërish nga komiteti në varësi të situatës.
” Një nga arritjet më të mëdha është fushata e vaksinimit. Shqipëria në 10 ditë ka zënë vendin e parë në rajon sa i përket ritmit të bërjes së vaksinimit. Duke ia kaluar edhe Serbisë e cila ishte e para në rajoni.”, tha ajo.