Kryetari i bashkisë së Himarës Vangjel Tavo ka treguar në “Vendi Im” për kontaktet e tij me klasën politike në Greqi.
Tavo, i cili është një prej minoritarëve me më shumë eksperincë në politikë, nuk e fsheh se ka diskutuar me politikanët në Greqi rreth kandidimit të tij për bashkinë e Himarës.
“Unë jam nga politikanët më të vjetër minoritarë në Shqipëri, kam shumë miq në politikën greke, në të gjitha forcat politike. Kam pasur kontakte shumë vite më politikanë, me parti të ndryshme politike në Greqi, qofshin në pushtet apo edhe në opozitë. Edhe gjatë fushatës elektorale, edhe kur më është propozuar edhe kur është lakuar emri im kam pasur telefonata mbështetëse nga politikanë të ndryshëm në Greqi, të cilët më thanë, “Vangjel mendojmë që je personi I duhur për të qenë kandidat për bashkinë e Himarës dhe mesa të njohim je njeriu që vërtet mund tu japësh zgjidhje problemeve që ka Himara dhe himariotët,” tregon Vangjel Tavo për “Vendi Im”.
Lexo edhe :
Related Posts
Bashkia e Himarës futi në ngërc marrëdhëniet mes Greqisë dhe Shqipërisë për shkak se në 14 maj një minoritar, Alfred Beleri i cili garoi me koalicionon “Bashkë Fitojmë”, fitoi zgjedhjet. Por Beleri u arrestua dhe u dënua për korrupsion zgjedhor dhe nuk e mori detyrën asnjëherë duke bërë që marrëdhëniet mes dy vendeve të arrijnë në pikën më të ulët gjatë viteve të fundit.