Kryetari i bashkisë së Tiranës Erion Veliaj gjatë një takimi në lagjen 13, tha se të gjithë e kanë kuptuar mesazhin e presidentit Ilir Meta ditën e djeshme.
‘Ishte një dëshpërim shumë i madh, një moment ku sigurisht vihesh në sëkëlldi për kombin tend, për imazhin dhe për faktin se si të huajt nuk e kuptonin dot pse Presidenti i Republikës zihej me dezhurnin e një prej godinave bashkiake. Shpresoj shumë që ta kuptojnë të gjithë mesazhin”, tha Veliaj.
Por, ajo që ndodhi nuk përbën asnjë çudi, sipas Veliajt, pasi Meta dhe Saliu me shokë janë të njëjtët njerëz që në 2021 rikthejnë ’97, 98′ apo 21 Janarin.
“Imagjinoni, dy njerëz që i kanë shërbyer qytetit dhe shohin se si presidenti i Republikës u rreh babanë. Në vitin 2021, jo në ’97, jo në ’98, jo 21 janar, jo Gërdeci! 2021! E dini çfarë? Se janë të njëjtët njerëz që bënë edhe ’97, edhe ’98, edhe 21 janarin, edhe Gërdecin, dhe duke qenë se qimen e ndërrojnë por zakonin s’e harrojnë, dalin në origjinë. Saliu e Ilir Meta nuk ndryshojnë dot në këtë fazë dhe inatin e sondazheve, inatin që po shkojnë si kovë pusi, e shprehin me shërbëtorin e parë publik që u del përpara. Pijnë që në 07:00-08:00 të mëngjesit; në orën 12:00 janë llucë dhe pastaj kush t’u dalë përpara dru e hu. Kjo është diferenca”, u shpreh Veliaj.