Pas skandalit të Luis Rubiales, vendet e Real Madridit dhe Barcelonës në Champions League janë në rrezik. Federata Spanjolle i ka kërkuar organit qeverisës evropian UEFA që të shqyrtojë përjashtimin e klubeve për shkak të ndërhyrjes së qeverisë spanjolle mbi sagën e vazhdueshme të Kupës së Botës ‘Kiss-Gate’.
Kërkesa është bërë nga krahu i djathtë i Rubiales, Andreu Camps i cili i ka “hapur luftë” qeverisë së tyre, pasi këto të fundit kanë kërkuar dorëheqjen e Rubiales. Camps i ka dalë në mbrojtje presidentit, duke argumentuar se me këto thirrje qeveria po ndërhyn në Federatë dhe kjo gjë është rreptësishtë e ndaluar nga UEFA dhe FIFA. E nga ky kërcënim nuk rrezikon vetëm Real Madrit apo Barcelona, por edhe Atletico Madrid dhe Real Sociedad), Europa League (Villarreal dhe Real Betis) dhe Europa Conference League (Osasuna).
Mediat vendase shkruajnë se fakti që UEFA nuk ka folur ende për këtë skandal është sepse presidenti i tyre Aleksander Ceferin është mik shumë i afërt me kreun e Federatës Spanjolle. Rrjedhimisht, kuptohet fare lehtë se UEFA nuk ka plane për të ndërmarrë masa ndaj ekipeve spanjolle, të paktën jo për momentin.