Avokati Ledio Braho duket se ka mbështetjen nga deputetë demokratë për pozicionin e Avokatit të Popullit. Braho i cili mban aktualisht postin e anëtarit të Komisionit të Ankimimeve dhe Sanksioneve pranë Komisionit Qendror të Zgjedhjeve, thotë se ka mbledhur 32 firma nga të dyja grupimet brenda PD.
Nga ana tjetër, demokratët e Sali Berishës pritet që të mblidhen nesër (e mërkurë) për të marrë një vendim në lidhje me çështjen e Avokatit të Popullit.
Ky institucion që prej vitit 2017 drejtohet nga Erinda Ballanca, gjithashtu pjesë e garës për një tjetër mandat.