Fillimisht ishte teknologjia e vijës së portës për të korrigjuar golat fantazmë. Pastaj erdhi VAR për të korrigjuar gabimet trashanike të gjyqtarëve. Tani e ka radhën një tjetër risi teknologjike për të modernizuar futbollin dhe për ta ndryshuar plotësisht fytyrën e tij. FIFA po eksperimenton dhe ka gati një sistem kompjuterik i cili do të lokalizojë automatikisht pozicionin jashtë loje duke i dërguar sinjalin vijërojtësve, të cilat praktikisht nuk do të kenë më mundësinë të gabojnë të tillë.
Konfirmimin e ka dhënë Arsen Venger, i cili është pjesë e departamentit të risive të futbollit në FIFA. Ish-trajneri i njohur ka shpjeguar se kjo teknologji është në fazat e avancuara dhe se mund të përdoret që në Botërorin 2022.
“Mendoj se pozicioni jashtë loje i automatizuar do të jetë gati për Botërorin. Ne po bëjmë shumë sforco. Çfarë do të ndryshojë? Sinjali do t’i dërgohet menjëherë vijërojtësit. Tani mestarisht presim 70 sekonda deri në 1 minutë e 20 sekonda për një vendim të VAR. Shumë gola anulohen për çështje centimetrash dhe pasi ka kaluar kohë. Ky është mëkat sepse lojtarët festojnë e pastaj mbeten të zhgënjyer”, shpjegoi Venger se pse kjo teknologji do të bënte të menjëhershme caktimin apo jo të pozicionit jashtë loje.
Sipas informacioneve të siguruara nga mediat angleze, teknologjia në fjalë do të ndihmojë gjyqtarët që të marrin vendime më shpejt, duke ndalur menjëherë aksionin. Sistemi është në gjendje që të gjejë momentin e pasimit dhe pozicionin e lojtarit që prek topin.