Kur edhe pak na ndan nga fillimi i “Dance With Me”, moderatorja Alketa Vejsiu ndodhet për pushime në Mykonos, nga ku postoi një foto duke pozuar me sufllaqe në dorë.
“Po, vij deri këtu për të shijuar një sufllaqe greke”, ka shkruar Vejsiu krahas fotos.
Mirëpo, ky postim ka irrituar një ndjekës, i cili nuk ka hezituar t’i lë një koment.
“Nuk latë pa publikuar vetëm kur jeni në banjo për nevojat personale. Bjeri qemanesë… vipsat shqiptare”, i shkruan ndjekësi.
Moderatorja nuk e ka injoruar këtë koment, por ka vendosur t’i kthejë një përgjigje direkte.
“Unë s’jam vip. Jam një si ju. Mos u mërzit shoku. Kemi të gjithë ditë kur s’jemi mirë”,-replikon Alketa.
Sakaq kujtojmë që në sezonin e ri televiziv, pritet të rikthehen për publikun pas disa vitesh, “Dancing With The Stars” dhe “Dance With Me”.