Motra e Dukeshës së Kembrixhit, Pippa Middleton, është bërë nënë për herë të dytë. Ajo dhe bashkëshorti i saj, James Mattheës kanë pritur një vajzë, e cila erdhi në jetë para pak ditësh.
“Nëna dhe fëmija janë shumë mirë. Ajo është perfekte, të gjithë janë shumë të lumtur për ardhjen e saj në jetë”, ka thënë një burim për “Hello!”.
Çifti i njohur kanë vendosur që të voglën e tyre ta pagëzojnë me emrin Grace Elizabeth Jane Mattheës, që duket se ka një kuptim shumë të veçantë për ta. Disa thonë se emri i dytë i vogëlushes është një nderim për figurën e gjysheve të saj, Carole Elizabeth Middleton dhe Jane Matthes. Gjithashtu ka të tjerë që mendojnë se Elizabeth mund t’i jetë vendosur për shkak të lidhjeve që ata kanë me familjen mbretërore, në këtë rast me mbretëreshën Elizabeth.
Vetëm një javë pas lindjes, Pippa, është parë për herë të parë që nga lindja e fëmijës së saj të dytë, Grace. Ajo u vu re teksa mbante bebushin e saj në një karrocë fëmijësh, të cilën po e shtynte në rrugë dhe dukej mjaft elegante.
Kujtojmë se Pippa dhe James janë martuar në vitin 2017 dhe jetojnë në një shtëpi 17 milion paund në Londër. Ata janë gjithashtu prindër të një djali dy vjeçar, të quajtur Arthur.