Në mbikalimin e Panajasë, në Vlorë, dy persona u ekzekutuan me breshëri plumbash, teksa ishin në lëvizje me makinë. Viktimat udhëtonin me një mjet tip “Ford”, dhe janë ndjekur nga autorët teksa kanë qenë në lëvizje.
Atentati ka qenë i mirëorganizuar dhe është bërë nga tre persona, të cilët kanë ndjekur dhe vëzhguar makinën që po udhëtonin viktimat, më pas i janë afruar paralel dhe kanë qëlluar me breshëri plumbash, mbi 60 të tillë.
Dyshohet se autorët kanë qenë një në rolin e shoferit dhe dy në rolin e qitësit. Pak minuta pas ngjarjes, në afërsi të Levanit është gjetur edhe një mjet i djegur, që dyshohet se u përket autorëve të atentatit.
