Një aksident është regjistruar pasditen e sotme në Nishtullë të Durrësit.
Gazetarja Klodiana Haxhiaj raporton për BalkanWeb se një automjet i cili po voziste me shpejtësi të lartë ka goditur një kalimtar tek vijat e bardha.
Dëshmitarë të ngjarjes tregojnë se automjeti ishte me shpejtësi tepër të lartë dhe nuk mundi të frenonte në kohë për të shmangur përplasjen.
Kalimtari i plagosur është dërguar në gjendje të rëndë shëndetësore në spitalin rajonal të Durrësit.