Në rrjetet sociale ka nisur të qarkullojë videoja e aksidentit të autobusit, ku u përfshinë edhe 9 makina të tjera. Në pamje shihet qartë dinamika e aksidentit, ku mbetën të plagosur 9 persona. Ngjarja ndodhi mesditën e sotme tek zona e njohur si “Ura e Tajvanit”.
Shoferi i autobusit, Agron Xhafa, 62 vjeç ka deklaruar se në momentin që ndodhi përplasja nuk ndihej mirë ndërsa ka shtuar se vuan nga diabeti dhe zemra.
Nga testet e kryera ka rezultuar se asnjëri prej drejtuesve nuk ka qenë nën ndikim alkooli apo droge. Për disa orë, qarkullimi u bllokua në rrugën ku ndodhi aksidenti derisa u larguan automjetet e dëmtuara.