Pas emocioneve të Ligës së Kampionëve, radhën e ka pasur Liga e Europës për të dhuruar ndeshjet e para të turit të 1/8-ave. Sevilja, që njihet edhe si ekspertja e këtij trofeu ka barazuar në shtëpi me rezultatin 2-2 ndaj Slavia Pragës duke lënë gjithçka të hapur për ndeshjen e kthimit që luhet pas një jave në Pragë.
Takimi nisi çuditshëm, me vendasit që shënuan pas vetëm 24 sekondash lojë dhe në atë mënyrë ka vazhduar. Goli i dytë për Slavian e Pragës, i shënuar nga Kral ishte me të vërtetë një gol mjaft i çuditshëm dhe plotësisht aksidental.
Pas krosimit në zonë nga një goditje këndi, topi është përplasur te Kral dhe ka përfunduar në rrjetë, ndërkohë që vetë futbollisti i çuditur po kërkonte për topin duke mos e menduar se ka arritur të barazojë.