Këtë vit të gjithë kemi nevojë për festë, drita e ngjyrë, pas një periudhe të vështirë që po kalon gjithë bota. Pavarësisht se jemi ende 1 muaj larg Krishtlindjes, shumë njerëz kanë nisur të zbukurojnë shtëpitë dhe të ndjejnë atmosferën festive. Zakonisht janë fëmijët e vegjël ata që gëzojnë e i shtyjnë prindërit më shumë drejt zbukurimit, ndaj shumë personazhe të njohur janë bërë tashmë gati për festa.
Edhe në familjen Kallaku, Krishtlindja ka mbërritur, të paktën për sa i përket pjesës së atmosferës. Xhensila ka ndarë në Instagram disa video nga momenti i stolisjes së pemës bashkë me Besin dhe Ajkën. Ajo ka shkrirë zemrat e gjithë fansave duke ndarë momentet e ëmbla familjare.
Në njërën prej videove shihet Besi duke hapur dritat e pemës, ndërkohë që Xhensila përkëdhelet me Ajkën. Ndërsa në një tjetër shfaqet aktori i humorit duke luajtur e përqafuar të bijën.
Siç shihet nga videot festat për familjen e dyshes së famshme do të jenë më të bukura se kurrë, pavarësisht se këtë vit duhet të festojmë në kushte të tjera. Kujtojmë se Xhensila dhe Besi kanë 3 vite të martuar, ndërsa vogëlushja e tyre Ajka ka ardhur në jetë në 2018-tën.