Ka përfunduar me një përplasje të dhunshme gjysmëfinalja e dytë e Kupës së Kroacisë mes Rijekas dhe Osijek.
Futbollisti shqiptar, Eros Grezda i cili është me Osijek u përplas fizikisht me sulmuesin e Rijekas Antonio Colak dhe e goditi me grusht në kokë kundërshtarin e tij, në parkimin e stadiumit, pas ndeshjes.
Incidenti është filmuar tashmë dhe po merret në shqyrtim nga policia dhe delegati i ndeshjes, pasi rregullat e Federatës Kroate të Futbollit përcaktojnë se nëse një lojtar shpallet fajtor për një sulm kaq serioz, ai mund të përballet me një pezullim midis gjashtë deri në dy vjet nga futbolli.
Por Grezd, i cili u bashkua me Osijek në janar, ka insistuar se reagoi vetëm për shkak të provokimit ekstrem që mori nga pala tjetër.
Grezda është përfolur së fundi për romancën e tij me modelen e njohur Oriola Marashi. Futbollisti madje ka pranuar lidhjen, duke u shprehur në një farë mënyre se karantinën e kanë kaluar bashkë.
“E thatë ju emrin e Oriolës por unë se them në asnjë rast. Jam i lidhur dhe jam shumë i lumtur. Po kalojmë karantinën bashkë. Për momentin jemi bashkë dhe po kalojmë shumë mirë”, është shprehur ai për Wake Up kur u pyet për modelen seksi.