Debutim me një barazim pa gola për Franko Lerdën në pankinën e Partizanit në ndeshje zyrtare ndaj një kundërshtari të vështirë. Të kuqtë kanë mbyllur me një barazim pa gola duelin e parë të këtij sezoni në Champions përballë Karabakut, ku secila skuadër ka goditur një herë traversën.
I gjithë 90 minutëshi iu nënshtrua reshjeve të shiut, çka solli edhe humbje të shpeshtë të ekuilibrit në fushën e blertë. Gjithsesi, si kundërshtarët ashtu edhe Belica në pjesën e dytë tronditën traversën por pa mundur të gjejnë fundin e rrjetës.
Ky rezultat favorizon së tepërmi Partizanin, që shkon në takimin e kthimit me besimin e plotë. Goli në fushën kundërshtare do i jepte shumë favore, diçka që do e kërkojë ta bëj në ndeshjen e javës së ardhshme në Azerbajxhan.