Kualifikimi në Europian ka bërë që te Maqedonia e Veriut skuadra të përjetojë tashmë çdo grumbullim si argëtim pa asnjë lloj stresi, pasi ka arritur një objektiv të rëndësishëm. Kjo shihet edhe nga atmosfera që është përjetuar sot, në stërvitjen e fundit të skuadrës para ndeshjes kundër Rumanisë.
Në seancën e stërvitjes zyrtare, ku trajneri Angelovski duhej të përgatiste formacionin për sfidën e nesërme që i hap rrugën kualifikueseve, në vend të nxemjes në minutat e para të hapura për mediat, lojtarët e Maqedonisë së Veriut kanë qenë më të impenjuar duke luajtur me shpulla me dënime me njëri tjetrin.
Hasani dhe futbollistët e tjerë janë grumbulluar në mesin e fushës dhe nën vëzhgimin e trajnerit Angelovski, i cili përfshihej gjithashtu me raste, janë argëtuar për disa minuta në këtë mënyrë, mes të qeshurave që kumbonin në stadium. Maqedonia e Veriut luan nesër ndaj Rumanisë, ndërsa ndeshjet e tjera të këtij muaji janë ndaj Lihtenshtejnit dhe Gjermanisë.