28-vjeçari Jasir Asani nuk di të shënojë gola normal, por vetëm “perla”. Edhe në ndeshjen ndaj Republikës së Çekisë, sulmuesi ishte protagonist me një super gol në minutën e nëntë duke i hapur rrugë fitores 3-0 të kuqezinjve.
I menjëhershëm edhe reagimi nga ana e faqes zyrtare e UEFA Euro 2024 që e klasifikoi golin e Asanit si një kandidat potencial për golin më të bukur të raundit.
Në një postim në rrjetet sociale, ”UEFA Euro 2024”, theksoi se Asani nuk di të shënojë gola normale, por vetëm gola të jashtëzakonshëm. 28-vjeçari nga Shkupi ka realizuar tre gola në gjashtë ndeshje, njëri më i bukur se tjetri.