Laçi dhe Vllaznia do të përballen mes tyre në finalen e Kupës së Shqipërisë, takim i cili do të luhet ditën e sotme në orën 19:00 në “Air Albania”.
Një sfidë shumë e rëndësishme për shkodranët të cilët do të kërkojnë të fitojnë trofeun e Kupës, por edhe të shkojnë në Europë, pasi në kampionat dështuan të siguronin një vend.
Në një ndeshje të tillë sigurisht edhe tifozët luajnë një pjesë të madhe të lojës, pasi mbështetja e tyre është shumë e rëndësishme për skuadrën kuqeblu. Një mbështetje e tillë nuk do t’iu mungojë të besuarve të Mirel Josës, pasi presidenti i klubit në rrjetet sociale ka postuar një video ku shikohen tifozët shkodranë të udhëtojnë me biçikleta nga Shkodra drejt Tiranës.