Vodhi makinën në oborrin e një banese, kapet 43 vjeçari në Tiranë

Policia e Tiranës ka arrestuar një 43-vjeçar, nën akuzën e vjedhjes së pronës. Në pranga ka rënë A.S, banues në Tiranë. Ky i fundit ditën e djeshme (20 dhjetor) në rrugën “Bab Rexha” ka hyrë në oborrin e një banese dhe ka vjedhur mjetin tip ‘Open’ në pronësi të T.M dhe më pas e fshehu në një garazh në zonën e Don Boskos. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.