Klima e freskët e fshatit që rrethohet nga gjelbërimi i përhershëm i pyjeve, qetësia dhe mikpritja e banorëve, e kanë kthyer Voskopojën në një prej destinacioneve më të frekuentuara të turizmit malor.
Vizitorët nga Tirana mbeten besnikë të pushimeve të gjata në Voskopojë. Të tjerë e zgjedhin përpos të tjerash edhe për trashëgiminë e rrallë kulturore dhe historike. Voskopojës nuk i mungojnë në verë as pushuesit, të cilët e shfrytëzojnë natyrën e paprekur dhe ajrin e pastër, sidomos për arsye kurative.
Operatorët turistikë, presin sezon të mbarë veror dhe shtim të fluksit të vizitorëve vendas dhe të huaj, një pjesë e të cilëve kanë mbyllur rezervimet më herët. Në Voskopojë janë shtuar strukturat akomoduese të hotelerisë, të cilat kanë pikë të fortë çmimet dhe të pandryshuara.