Granit Xhaka do të marrë zyrtarisht shiritin e kapitenit te kombëtarja e Zvicrës. Mesfushori nuk është se nuk e ka mbajtur më parë shiritin e kapitenit te helvetët, mirëpo këtë herë do të jetë ndryshe. Kjo për shkak se Lihshtajner është tërhequr nga futbolli dhe kjo ka bërë që lojtari i Arsenal të jetë kapiteni fiks i kombëtares.
Ndërkohë, rreth kësaj lëvizje është shprehur edhe vetë futbollisti me origjinë shqiptare, i cili shprehet se kjo ishte një ëndërr e madhe e cila tashmë është bërë realitet.
“Jam jashtëzakonisht krenar që mund të luaj për vendin tim. Sidmos si kapiten, kjo është një ëndërr e madhe që bëhet realitet për mua. Ne kemi nevojë për mbështetjen tuaj si tifozë. Do t’ju japim kënaqësi të madhe në këto takime dhe në të ardhmen”, u shpreh Xhaka.