Rasmus Højlund është “xhevahiri” i ri i Atalantës. Danezi u ble për 17 milionë euro nga Sturm Graz në gushtin e kaluar dhe sot vlera e tij në treg është dyfishuar.
Pas Botërorit, 20-vjeçari është bërë titullar i padiskutueshëm i ekipit italian dhe kanë nisur krahasimet e tij me Erling Haaland. “Ngjan me Haaland, por mua më pëlqen më shumë Hojlund sesa Haaland”, shprehet ish-futbollisti Antonio Cassano.
Trajneri i Atalantës, Gasperini, thotë: “Karakteristikat janë shumë të ngjashme, sidomos kur përshpejton. Është i shpejtë, i bën 100 metrat për 11 sekonda. Për shtatlartësinë e tij, ka një frekuencë hapash të pabesueshme. Jam i bindur që do të ketë një karrierë të mrekullueshme”.