Zbardhet axhenda e Asamblesë së Partisë Socialiste

Nesër socialistët do të zhvillojnë mbledhjen e fundit për vitin 2018. Mësohet se në fillim do të flasë kryetari i PS-së Edi Rama. Referuar mbledhjes së Kryesisë që u mbajt në fillim të javës, Kryeministri pritet tëadresojë kritika ndaj ministrave që nuk kanë performuar si duhet, ndërkohë që ai do të kërkojë angazhim më të madh nga deputetët dhe  kryetarët e PS-së të bashkive. Është planifikuar që nga fillimi i janarit të ngrihen dhe funksionojnë në çdo njësi administrative dhe bashki shtabet elektorale. Ndryshimet statutore do të kenë për qëllim plotësimin dhe forcimin e çdo strukture të Partisë Socialiste. Në Asamble do të vendoset sakaq krijimi i regjistrit digjital, punë e cila ka nisur më herët në të gjitha bashkitë e vendit. Ndërkohë me 30 mars 2019 do të mbahet Kongresi i PS-së, ku do të shpaloset platforma elektorale e partisë kryesore në vend si dhe do të prezantohen 61 kandidatët për kryetarë bashkie. / P. Hasa /