Vëllezërit Arsil dhe Sajmir Shera të arrestuar si autorë të vrasjes së 71 vjeçarit Abdulla Budlla kanë dhënë dëshminë e tyre para policisë duke pranuar autorësinë e vrasjes së taksistit.
Ata mësohet se janë shprehur se e bënë këtë për nderin e familjes pasi 71-vjeçari ngacmonte një të afërmen e tyre.
“U përpoqëm që ta zgjidhnim konfliktin, i kishim kërkuar të hiqte dorë nga e afërmja. Pak kohë mnë parë ishim konfliktuar fizikisht me 71 vjecarin. Ka ngacmuar dhe ka kryer veprime te pahijshme ndaj një të afërme të familjes sonë, kishim tentuar disa herë ta bënim të arsyetonte, të mos shkonte më në banesë kur djemtë e kësaj familje nuk ishin aty. I kemi kerkuar të mos na binte më në qafë, për nderin e familjes. U përpoqëm të bisedojmë e kishim përzënë edhe nga shtëpia. Por ai nuk hoqi dorë. Jemi ndjerë të detyruar të bënim këtë akt ekstrem. Morëm një makinë me qira, që e përdorëm gjatë vrasjes”, kanë deklaruar ata në Polici pas arrestimit.