Skuadra e Feyenoord ka zbarkuar në Tiranë, për të luajtur finalen e madhe të Conference League.

Skuadra holandeze me të mbërritur në kryeqytet, zyrtarë të Feyenoord janë takuar me një ish-kundërshtarë të tyre në vitin e largët 1991, ku u ndeshën me Partizanin në kuadër të kompeticionit Kupa e Kupave, një ndeshje e cila u mbyll në barazimin 0-0 në stadiumin e asaj kohe, Qemal Stafa.

Në atë ndeshje, një nga më të mirët për Partizanin ishte portieri Artur Lekbello, i cili ndali disa raste holandezët. Dhe, sot, ekipi i Feyenoord është ritakuar sërish me portierin legjendar ndërsa në faqen zyrtare të Twitter kanë postuar momente nga ky takim së bashku me mbishkrimin; “Duke takuar një mik të vjetër”.