Sot pasdite në orën 17:00 pritet që të zgjidhet kryetari i ri i Komisionit të Vettingut që do të zëvendësojë në këtë detyrë Genta Bungon, së cilës i ka përfunduar mandati.
Burime për tirananews.al bëjnë me dije se në garë për këtë post janë Lulëzim Hamitaj, Pamela Qirko, Xhensila Pine dhe Valbona Sanxhaktari.
Në këtë mbledhje të pranishëm do të jenë edhe përfaqësuesit e Operacionit Ndërkombëtar të Monitorimit (ONM). Ndërkaq, anëtarja Alma Vokopola nuk do jetë e pranishme në votim pasi është e shtruar prej disa muajsh në një spital në Itali.
/Tirananews.al