Ekipi i prodhimit të filmit James Bond ka zbuluar përmes rrjeteve sociale se si do të quhet kapitulli i 25-të i serlialit më të famshëm që i ka rezistuar kohërave, me aventurat e agjentit të famshëm të Mbretëreshës.
“No Time to Die” (Nuk ka kohë për të vdekur) do të quhet seriali i ri i cili do të shfaqet në sallat britanike të kinemasë më 3 prill të vitit të ardhshëm dhe më 8 prill në SHBA.
Lexo edhe- Nuk është e lehtë të xhirosh James Bond! Ja çfarë ndodh në skenën e fundit
Për këtë episod të 25-të të realizuar nga regjisori amerikan Cary Fukunaga, britaniku Daniel Craig vesh sërish kostumin e agjentit 007 ndërkohë që aktori amerikan që ka fituar Oscar, Rami Malek do të luajë rolin e të keqit. Aktoret, Naomie Harris dhe Lea Seydoux do të jenë gjithashtu bashkë me Ben Whishaw.