Rusia sulmoi sistemin energjetik të Ukrainës dhe disa qytete me raketa lundrimi dhe balistike plus drone. Presidenti i Ukrainës, Volodymyr Zelenskiy e ka konsideruar si një sulm “çnjerëzor” në ditën e Krishtlindjes.
Sulmet plagosën të paktën gjashtë persona në qytetin verilindor të Kharkiv dhe vranë një në rajonin e Dnipropetrovsk, thanë autoritetet ukrainase.
“Sot, Presidenti rus Vladimir Putin zgjodhi qëllimisht Krishtlindjet për të sulmuar. Çfarë mund të ishte më çnjerëzore? Më shumë se 70 raketa, duke përfshirë raketa balistike dhe më shumë se njëqind drone sulmuese,” tha Zelenskiy.
Ministria e Mbrojtjes e Rusisë konfirmoi se kishte kryer një “sulm masiv” në ato që tha se ishin objekte kritike të energjisë që mbështesin punën e “kompleksit ushtarako-industrial” të Kievit.
“Qëllimi i goditjes u arrit. Të gjitha objektet janë goditur,” thuhet në një deklaratë.