Edhe pse në heshtje për zgjedhjet ku PS-ja ka fituar thellë me 83 mandate, kryeministri Edi Rama ka zgjedhur për të folur për rrjetin ndërkombëtar të televizionit polak në gjuhën angleze për kritikat nga vëzhguesit ndërkombëtarë të zgjedhjeve të së dielës.
”Raportet janë krijuar që të jenë të balancuar, që të pasqyrojnë çdo anë madje edhe pretendime. Raportet po ashtu janë bërë që tëkorrigjohen gjatë rrugës pasi kemi të bëjmë me një raport paraprak. Ne e marrim kriticizmin në këtë raport me vullnetin e mirë për të parë ato që janë shqetësime reale. Unë mendoj se këto ishin zgjedhjet më të mira të realizuara ndonjëherë përsa i përket qetësisë dhe maturimit.
Përsa i përket përdorimit të burimeve publike ky raport është shumë larg realitetit për arsyen e vetme sepse ne kemi një kornizë strikte ligjore. Besoj se jemi i vetmi vend ku qeveria nuk lejohet që të marrë vendime katër muaj para ditës së zgjedhjeve. Nga ana tjetër ne e dimë që jemi larg të qenit perfekt. Përmirësimi është mantra jonë: ne duhet të përmirësohemi, jo të fajësojmë”,-tha Rama.
Nga ana tjetër, Rama ka deklaruar se vendi i tij ishte me fat për hapjen e dyerve të Bashkimit Evropian. ”Për t’u integruar në BE ne nuk na duhet që të shpikim ndonjë gjë, duhet që të realizojmë të gjtha kushtet dhe standardet që na kërkohen. Negociatat po vijojnë, është diçka madhështore pasi Evropa ka hapur dyert për ne. Duhet të përfitojmë nga kjo mundësi sepse ndoshta kjo derë nuk do të qëndrojë e hapur përgjithnjë.
Të bëjmë më të mirën për të përfituar nga ky moment. Në të kundërt në fund të përfundojme si Afganistani, Iraku ose si shtete të tjera që kanë dështuar sepse nuk kishin asistencen e BE-se një vend ku nuk kemi patur traditë të një shteti demokratik. Duam të ndërtojmë këtu një shtet ku instucionet funksionojnë kjo mbështetje është bekim për ne”.