Pritjes i ka ardhur fundi dhe tashmë Chelsea ka bërë gjithçka zyrtare.
Joao Felix është lojtari më i ri i Chelseat. Ai ka mbërritur në Londër nga Atletico Madrid në formën e huazimit. Portugezi do të jetë në radhët e Potter deri në fund të sezonit, pasi kështu thuhet në kontratë.
Chelsea do t’i paguajë pagën yllit portugez, dhe gjithashtu shifrat që anglezët paguan tek Atletico Madrid është rreth 11 milionë euro.
Në fakt, gjithçka ishte pothuajse e kryer, por palët po prisnin rinovimin e kontratës së Felix me klubin spanjoll, në mënyrë që të aprovohej më pas edhe huazimi te blutë e Londrës.