Tani është zyrtare. Abissnet Superiore do të fillojë më 26 gusht, ndyshe sa ishte caktuar më parë data 19 gusht.
Shkak për shtyrjen u bë shumica e klubeve të cilat kërkuan shtyrjen me një javë si pasojë e mospërgatitjes në kohë për fillimin e sezonit ri.
Postimi i FSHF:
Departamenti i Garave në Federatën Shqiptare të Futbollit bën me dije se nisja e sezonit të Kampionatit Kombëtar “Abissnet Superiore” për sezonin 2023-2024 është shtyrë me një javë.
Sezoni i ri futbollistik ishte planifikuar të niste më datë 19 gusht ndërkohë që pas kërkesës së mazhorancës së klubeve për spostimin e nisjes së aktivitetit me një javë, e cila është marrë në shqyrtim nga Komiteti Ekzekutiv i FSHF-së, është spotuar për më datë 26 gusht 2023 kur do të zhvillohet dhe java e parë.
Lidhur me këtë ndryshim të kalendarit janë njoftuar edhe klubet pjesëmarrëse në Abissnet Superiore.